Завод буйнапанэльнага домабудавання ААТ «Гроднажылбуд» спецыялізуецца на вырабе бетонных і жалезабетонных вырабаў для будаўніцтва буйнапанэльных жылых дамоў мадэрнізаванай серыі 90, дамоў павышанай паверхавасці, двухпавярховых мансардных дамоў сядзібнага тыпу.
У склад завода буйнапанэльнага домабудавання ААТ «Гроднажылбуд» уваходзяць два фармовачныя цэхі, транспартна – сыравінны цэх з участкам па вытворчасці керамічнай цэглы, арматурны цэх, цэх металаканструкцый, цэх камплектацыі (склады гатовай прадукцыі) і дапаможныя ўчасткі і падраздзяленні.
Формавальны цэх №1 (год уводу – 1963) выпускае пліты перакрыццяў, унутраныя сценавыя панэлі і пліты лоджый у касетных устаноўках.
Формавальны цэх №2 (год уводу – 1975, 1981) вырабляе трохслаёвыя вонкавыя сценавыя панэлі паверхаў, цокаля і гарышча, пліты перакрыццяў, элементы ўваходаў і смеццеправодаў, унутраныя сценавыя панэлі цокаля пакрыццяў рабрыстыя, даборныя элементы канвеерным і агрэгатна-струменевым спосабам.
Асаблівасцю трохслаёвых вонкавых сценавых панэляў з'яўляецца канструкцыя тыпу «сэндвіч» на гнуткіх шклопластыкавых звязках з сярэднім пластом з пенапалістырольнага ўцяпляльніка, якая мае высокі каэфіцыент тэрмічнага супраціву цеплаперадачы, што адпавядае сучасным патрабаванням па эканоміі цеплавой энергіі.
У цэху наладжаны выпуск элементаў добраўпарадкавання метадам паўсухога вібрапрэсавання на бетонафармавальнай машыне Mulimat RH 500-3.
У 2015 годзе запушчана ў эксплуатацыю тэхналагічная лінія па вытворчасці пліт перакрыццяў фірмы «EBAWE» Германія.
Арматурны цэх у поўным аб'ёме забяспечвае цэхі па вытворчасць жалезабетонных канструкцый і будаўнічыя ўчасткі арматурнымі і закладнымі вырабамі. У студзені 2015 года з мэтай паляпшэння якасці і памяншэння працавыдаткаў набыта аўтаматычная лінія для зваркі арматурных сетак фірмы «EBAWE» Германія.
Цэх металаканструкцый утвораны ў 1993 годзе. За гэты прамежак часу цэх металаканструкцый развіваўся толькі са станоўчай дынамікай. Дынамічнасць развіцця адлюстроўваецца ў стварэнні новых участкаў, здольных вырабляць і камплектаваць вырабы і нарыхтоўкі для ўсіх будаўніча-мантажных участкаў:
- участак сантэхнічных нарыхтовак у поўнай меры забяспечвае будаўнічыя ўчасткі і аб'екты належнай камплектацыяй;
- участак вырабу формаў дасягнуў узроўню высакаякаснага вырабу формаў для ЖБВіК, а таксама нестандартнага абсталявання;
- участак вытворчасці чарапіцы, які мае сучаснае абсталяванне, мае магчымасць вырабляць металадахоўку рознай канфігурацыі і мае дастаткова высокі хуткасны рэсурс;
- участак вытворчасці вентыляцыі, аснашчаны сучасным і высокапрадукцыйным абсталяваннем, забяспечвае СМУ камплектацыяй вентыляцыйнага абсталявання, якое адпавядае ўсім нормам і патрабаванням.
У цэху ёсць шырокі парк станкоў па апрацоўцы металу.
Асноўнай задачай таварна-сыравіннага цэха з'яўляецца перапрацоўка жвірова-пяшчанай сумесі ў кар'еры і падрыхтоўка пяску і жвіру для бетонных сумесяў, забеспячэнне бетоннымі сумесямі цэха па вытворчасці жалезабетонных канструкцый і будаўнічыя ўчасткі. На трох наяўных бетоназмяшальных вузлах ўкаранёна аўтаматызаваная сістэма кіравання "Бетон-IPC"; для падрыхтоўкі сумесяў.
Магутнасць завода дазваляе выпускаць 200 тыс. метраў квадратных жылля ў год, што складае каля 3,2 тысячы кватэр.
Акрамя таго, на заводзе вырабляецца шырокая наменклатура вырабаў:
- тратуарная плітка;
- дарожны і тратуарны бардзюр;
- цэгла керамічная;
- пліты пенапалістырольныя;
- кольцы студняў каналізацыі;
- металачарпіца;
- металаканструкцыі рознай ступені складанасці.
